Կառավարության նիստում որոշվեց 32.5 մլն դրամ վերաբաշխել և ուղղել Երևանի մանկապարտեզների կառուցման և հիմնանորոգման աշխատանքների համար կապալառու կազմակերպությունների նկատմամբ ֆինանսական պարտավորությունները կատարելու համար։
Խոսքը մասնավորապես Շենգավիթ վարչական շրջանի հ.140, Աջափնյակ վարչական շրջանի Գուրգեն Մարգարյանի անվան հ.41 մանկապարտեզների հիմնանորոգման և բակի բարեկարգման աշխատանքները, ինչպես նաև Նոր Նորք վարչական շրջանի հ.105 մանկապարտեզի հիմնանորոգման աշխատանքներն ավարտին հասցնելու մասին է:
Նշված մանկապարտեզների հիմնանորոգման աշխատանքերի շարունակականությունը ապահովելու նպատակով 2024-ի պետական բյուջեով նախատեսվել է ֆինանսական միջոցները, սակայն հաշվի առնելով, որ 2023 թվականին վերոնշյալ մանկապարտեզների հիմնանորոգման համար նախատեսված ֆինանսական միջոցները ամբողջությամբ չեն ֆինանսավորվել, անհրաժեշտություն է առաջացել միջոցառման մասով ներգրավվելու լրացուցիչ ֆինանսական միջոցներ:
Բաժանորդագրվեք մեր ալիքին Telegram-ում
