ՌԴ նախագահ Վլադիմիր Պուտինը Վլադիվոստոկում զբոսաշրջության զարգացման պետական խորհրդի նախագահության ընդլայնված նիստի ժամանակ առաջարկել է օտարերկրյա զբոսաշրջիկների համար առանց վիզայի ռեժիմ մտցնել՝ այս դեպքում հրաժարվելով փոխադարձության սկզբունքից։ Հայտնում է «Московский комсомолец»-ը։
Նրա խոսքով, առանց վիզայի ռեժիմի հաստատման հետ կապված հարցերն ուղղակի պետք է վստահել ԱԳՆ-ին և այս դեպքում չկառչել փոխադարձությունից։
Երկրի ղեկավարը հավելել է, որ պետք է սկզբունքներն օգտագործել այն ժամանակ, երբ դա ձեռնտու է:
Հիշեցնենք, որ Եվրահանձնաժողովի որոշման համաձայն՝ ռուսաստանցիներն այլևս չեն կարողանա վիզաներ ստանալ պարզեցված ընթացակարգով։ Վիզայի վճարը 35-ից կհասնի 80 եվրոյի, իսկ մշակման ժամկետը կկազմի մինչև վեց ամիս։
Բաժանորդագրվեք մեր ալիքին Telegram-ում
