Գերմանական Audi ավտոարտադրողը €1 մլրդ ($1,08 մլրդ) կներդնի Մեքսիկայի Պուեբլա նահանգում Էլեկտրոմոբիլների արտադրության նախագծերում,- գրում է Reuters-ը:
Ներդրումները կհանգեցնեն 500 նոր աշխատատեղերի ստեղծմանը։ Հայտարարության համաձայն՝ Մեքսիկայում Audi-ի գործադիր նախագահ Թարեկ Մաշհուրը և Պուեբլայի նահանգապետ Սերխիո Սալոմոնը մտադիր են նահանգը վերածել Էլեկտրոմոբիլների արտադրության կենտրոնի:
Չինական ընկերությունը ցանկանում է Դիարբեքիրում էլեկտրական ավտոբուսներ արտադրել
Մեքսիկայում Audi ընկերությունն արդեն սկսել է ենթակառուցվածքի և սարքավորումների տեղադրումն ու կարգավորումը, ինչն անհրաժեշտ է ամբողջովին էլեկտրական սարքավորումներով մեքենա արտադրելու համար:
Audi-ն, որը պատկանում է Volkswagen-ին, ունի ևս մեկ գործարան Մեքսիկայում՝ Պուեբլա նահանգի Սան Խոսե Չիապա քաղաքում, որտեղ, ըստ ընկերության, ներկայումս աշխատում է 5000 մարդ:
Բաժանորդագրվեք մեր ալիքին Telegram-ում
