Հողի բերրի շերտի ապօրինի օգտահանման, պահպանման և տեղափոխման վերահսկողական շուրջօրյա միջոցառումների ընթացքում հունիսի 1-12-ն ընկած ժամանակահատվածում Բնապահպանության և ընդերքի տեսչական մարմնի աշխատակիցների կողմից հայտնաբերվել է ապօրինի ձեռք բերված սևահող տեղափոխող բեռնատարի ևս 5 վարորդ:
Կոտայքի և Արագածոտնի մարզերում «ԶԻԼ» և «ԿամԱԶ» մակնիշի բեռնատար ավտոմեքենաներն առանց թույլտվությունների փորձել են ապօրինի տեղափոխել ընդհանուր՝ 25.5 խմ սևահող։
Ստուգայցերի ընթացքում արձանագրվել է նաև առանց անթափանց ծածկոցի սորուն նյութեր տեղափոխող 9 բեռնատար:
«Բեռնատարները տեղափոխվել են ոստիկանության հատուկ պահպանվող տարածքներ։ Վարորդների նկատմամբ կնշանակվեն վարչական տույժեր։ Միջոցառումները շարունակվում են ՀՀ բոլոր մարզերում»,- նշված է տարածած հաղորդագրության մեջ:
