Եգիպտոսում կայանալիք Food Africa 2024 ցուցահանդեսին Հայաստանը կմասնակցի միասնական տաղավարով

Այս մասին տեղեկացնում են էկոնոմիկայի նախարարությունից:

Հիմնական ոլորտներն են սննդի և խմիչքի արդյունաբերությունը։

Ցուցահանդեսին անցյալ տարիներին մասնակցել են 63 երկրի ներկայացուցիչներ, այդ թվում՝ 500-ից ավել գնորդներ, տեղի են ունեցել 3000-ից ավելի բիզնես հանդիպումներ։

Ցուցահանդեսին Հայաստանի մասնակցությունը նախատեսված է միասնական հայկական տաղավարով, որն ընկերություններին կտրամադրվի անվճար։ Կացության և ճանապարհային ծախսերը հոգում են մասնակիցները։

Ցուցահանդեսի մանրամասներին և մասնակցության պայմաններին կարելի է ծանոթանալ հետևյալ հղումով:

Միջոցառմանը մասնակցել ցանկացողները կարող են մինչև հունիսի 20-ը գրանցվել հետևյալ հղումով: