Google-ը շարունակում է իր զարգացումը տեխնոլոգիական նոր լուծումներով։ Այս ամենի արդյունքում բավարարվում են սպառողների տարբեր շերտերի պահանջները։
Որքա՞ն է համացանցի գինը Հարավային Կովկասում և Մերձավոր Արևելքի երկրներում
Ընկերության ներկայացրած հաշվետվության համաձայն՝ միայն 2024թ․ առաջին եռամսյակում Google–ի հասույթը կազմել է $80․5 մլրդ` 2023թ․ առաջին եռամսյակի համեմատ գրքնցելով 15% աճ։
Հետաքրքիր է ուսումնասիրել, թե Google–ի հասույթն ինչպես է ձևավորվել․
Վիճակագրական տվյալները փաստում են, որ 2024թ․ առաջին եռամսյակում Google-ի հասույթի ծավալների մոտ 57%-ը ապահովել է Google որոնման համակարգը և այլ ծառայությունները։ Այս մասով ձևավորված հասույթի ծավալները 2023թ․ առաջին եռամսյակի համեմատ աճել են 15%-ով։
Google-ի հասույթի ծավալների 12%-ն ապահովել են Google-ի ամպային ծառայությունները։ 2024թ․ առաջին եռամսյակում 2023թ․ նույն եռամսյակի համեմատ այս ծառայություններից ստացված հասույթն աճել է 28%-ով։
Google-ի բաժանորդագրություններն ապահովել են ընդհանուր հասույթի 11%-ը։ Սրանցից ձևավորված հասույթի ծավալները 2024թ․ առաջին եռամսյակում 2023թ․ նույն եռամսյակի համեմատ աճել են 28%-ով։
«Գովազդ Youtube-ում» մասով ապահովվել է Google-ի հասույթի 10%-ը։ Վերջինիս կողմից ձևավորված հասույթի ծավալները 2023թ․ առաջին եռամսյակի համեմատ աճել են մոտ 21%-ով։
Բաժանորդագրվեք մեր ալիքին Telegram-ում
