Ռուսաստանի նախագահ Վլադիմիր Պուտինը լիազորել է American Express բանկին կամավոր լուծարում իրականացնել։
Համապատասխան հրամանը հրապարակվել է իրավական տեղեկատվության պորտալում։ Բանկի հիմնադիրը ամերիկյան American Express ընկերությունն է։ Այս մասին հայտնում է РБК-ն: Բանկը դադարեցրեց իր գործունեությունը Ռուսաստանում 2022 թվականին՝ Ուկրաինայում ռազմական գործողության սկսվելուց հետո արևմտյան երկրների կողմից սահմանված պատժամիջոցների պատճառով։
Պետության ղեկավարը կարգադրել է բանկին թույլատրել ինքնալուծարվել՝ համաձայն «Օտարերկրյա որոշ պետությունների և միջազգային կազմակերպությունների անբարյացակամ գործողությունների հետ կապված ֆինանսական և վառելիքաէներգետիկ ոլորտներում հատուկ տնտեսական միջոցների կիրառման մասին» որոշմանը։ Պուտինն այս հրամանագիրը ստորագրել է 2022 թվականի օգոստոսին։
American Express բանկը գրանցվել է Ռուսաստանի Կենտրոնական բանկի կողմից 2005 թվականի դեկտեմբերին։ Վարկային կազմակերպությունը պատկանում է համանուն վճարային համակարգին։
