Ռուսական Lada մեքենաները վաճառքի են հանվել Wildberries-ում:
Հետագայում ռուսական օնլայն առևտրի հարթակ ծրագրում է ընդլայնել իր մեքենաների տեսականին,- գրում է РИА Новости-ին։
«Այժմ դուք կարող եք ավտոմեքենաներ գնել ռուսական խոշորագույն արտադրողից: Lada մեքենաները հասանելի կլինեն Վոլգոգրադի մարզի բնակիչներին»,- հայտնել են Wildberries-ից:
Ընկերությունից նշել են, որ մեքենայի վերջնական գինը կայքում հայտնի կլինի նախապես, իսկ ներկայացված բոլոր մոդելները առկա են։
«Դուք կարող եք մեքենա գնել Wildberries-ում միայն կանխավճարով: Վճարումից հետո մենեջերը կապ կհաստատի գնորդի հետ՝ ստանալու պայմանագրի կնքման համար անհրաժեշտ տեղեկությունները և համաձայնեցնելու առաքման վայրը: Առքուվաճառքի պայմանագիրը կնքվում և փոխանցվում է գնորդին նախքան մեքենան տրամադրելը։ Ավտոմեքենաների վրա գործում է 3 տարվա երաշխիք»,-պարզաբանել են ընկերությունից:
«Տրանսպորտային միջոցներ» կատեգորիան հայտնվել է Wildberries-ում ապրիլի 17-ին։ Այժմ այն ներկայացնում է մի քանի մակնիշի մեքենաներ և մոտոցիկլետներ։ Օնլայն առևտրի հարթակի տվյալներով՝ մեկ ամսվա ընթացքում հաճախորդները ձեռք են բերել 11 ավտոմեքենա և 1 մոտոցիկլետ։ Հարթակը նախատեսում է մշակել նոր կատեգորիա, որտեղ ներկայացված կլինեն նաև կվադրոցիկլներ, ձյունագնացներ և տրանսպորտային այլ միջոցներ:
Ապրիլի վերջին AvtoVAZ-ը սկսել է համագործակցել Megamarket-ի հետ, որը ևս սկսել է վաճառել Lada ավտոմեքենաներ:
Բաժանորդագրվեք մեր ալիքին Telegram-ում
