Չեխիայում բենզինի գինը երկամսյա անկումից հետո կրկին թանկացավ՝ վերջին 7 օրվա ընթացքում այն թանկացել է 0,2 կրոնով (մոտ 0,01 դոլար) և այժմ վաճառվում է միջինը 40,54 կրոնով (մոտ 1,7 դոլար)։
Շաբաթական դիզվառելիքի միջին գինը բարձրացել է 2,37 կրոնով (մոտ 0,1 դոլար) և այժմ կազմում է միջինը 45,23 կրոն (մոտ 1,9 դոլար)։
Այս մասին հինգշաբթի օրը հայտնել է CCS-ը, որը գները գրանցում է 2009 թվականից։
«Հուլիսի սկզբին՝ արձակուրդների նախօրեին, Չեխիայում բենզինի արժեքը միջինը կազմում էր 48 կրոն (մոտ 2 դոլար), այն շարունակաբար նվազում էր ամառային պահանջարկի անկման ֆոնին։ Մոտավորապես նույն գործընթացը տեղի է ունեցել դիզելային վառելիքի հետ կապված: Գները ավանդաբար բարձրացել են զբոսաշրջային սեզոնի ավարտի և հանգստացողների տուն վերադառնալու հետ: Փորձագետներն ակնկալում են, որ այս գործընթացը կշարունակվի առաջիկա շաբաթներին»,- ասվում է CCS-ի մեկնաբանության մեջ:
2021 թվականին՝ արձակուրդային շրջանի վերջում, Չեխիայում մեքենաների վառելիքը շատ ավելի էժան էր, քան այժմ: Բենզինի գինն ավելի ցածր էր միջինում 6,77 կրոնով (մոտ 0,3 դոլար), իսկ դիզելային վառելիքը՝ 13,64 կրոնով ( մոտ 0,6 դոլար), գրում է РИА Новости-ն։
Բաժանորդագրվեք մեր ալիքին Telegram-ում
