Կենտրոնական բանկի նախագահ Մարտին Գալստյանը խորհրդարանի ֆինանսավարկային և բյուջետային հարցերի մշտական հանձնաժողովի նիստում ներկայացրել է այս տարվա առաջին եռամսյակի դրամավարկային քաղաքականությունը:
Նա նշել է, որ հունվար-մարտին Հայաստանում պահպանվել է բարձր տնտեսական ակտիվություն, որին հիմնականում նպաստել է առևտրի և արդյունաբերության ճյուղերի զգալի աճը:
![](https://banksnews.am/wp-content/uploads/2024/05/converse-970x250-c360.webp)
Ըստ նրա՝ 2024 թվականի համար միջազգային տարբեր կազմակերպություններ և ֆինանսական շուկայի մասնակիցներ Հայաստանի տնտեսական աճը կանխատեսում են 5-6,5 տոկոսի միջակայքում:
ԿԲ նախագահը նաև նշել է, որ 2024 թվականի անցած 4 ամիսների ընթացքում Հայաստանում ցածր գնաճային միջավայրը պահպանվել է:
«2024 թվականի ապրիլին 12-ամսյա գնաճը նվազել է և կազմել է մինուս 0,7, ինչը զգալիորեն ցածր է մեր միջնաժամկետ նպատակային ցուցանիշից: Դա հիմնականում պայմանավորվել է արտաքին հատվածից փոխանցվող գնանկումային ազդեցություններով՝ արտահայտվելով պարենային ապրանքների էական գնանկմամբ»,- նշել է Գալստյանը:
ՀՀ ՀՆԱ-ի պոտենցիալ աճը տարեկան 5.5 %-ից ավելի չի կարող լինել․ ԿԲ նախագահ. ՏԵՍԱՆՅՈՒԹ
Բաժանորդագրվեք մեր ալիքին Telegram-ում