Հարավային Կորեայի կառավարությունը պլանավորում է աջակցել չիպերի արտադրությանը և ստեղծել բարձր տեխնոլոգիական կլաստեր՝ տրամադրելով $7,3 մլրդ, փոխանցում է Reuters-ը։
Պետական մեծածավալ այս ներդրումների նպատակն է կիսահաղորդիչների արդյունաբերությունում սկսված մրցակցությանը դիմակայելը։ Ֆինանսների նախարար Չխվեե Սանգ Մոկը հայտարարել է, որ շուտով կառավարությունը կբացահայտի օգնության փաթեթի մանրամասները՝ նշելով, որ կառավարությունը ներդրումներ է կատարելու միկրոսխեմաների արտադրության հումքի, ինչպես նաև նոր սարքավորումների և ընկերությունների մասով։
Samsung-ը հաջորդ շաբաթ կներկայացնի 44 մլրդ դոլար արժողությամբ չիպեր. Bloomberg
Աջակցության ծրագիրը կարող է ներառել վարկերի տրամադրում և նոր ֆոնդի ստեղծում, որի ֆինանսավորումը ենթադրում է մասնավոր ֆինանսական ինստիտուտներ- կառավարություն համագործակցությունը։
Բացի այդ՝ Հարավային Կորեան մտադրվել է ստեղծել մեգաչիպային կլաստեր Յոնգինում՝ մայրաքաղաք Սեուլից հարավ։ Այն դառնալու է աշխարհի խոշորագույն բարձր տեխնոլոգիական կենտրոններից մեկը։
Կորեայի նախագահ Յուն Սոկ Յոլը խոսք է տվել հաղթանակ տանել չիպերի արտադրության մրցավազքում՝ ներդրումների համար ստեղծելով բարենպաստ հարկային դաշտ։
«SK Hynix»-ը սկսում է նոր սերնդի հիշողության չիպերի զանգվածային արտադրությունը
Բաժանորդագրվեք մեր ալիքին Telegram-ում
