Nestle-ն նախատեսում է մինչև 2026 թվականը 196.5 մլն դոլար ներդնել Բրազիլիայում՝նպատակ ունենալով ընդլայնելու արտադրական հզորությունն ու Nescafe-ի վաճառքը, որպեսզի թիրախավորի երիտասարդ սպառողներին,- գրում է Reuters-ը:
Nescafe ապրանքանիշն առաջին անգամ ստեղծվել է Բրազիլիայում՝ լուծվող սուրճ վաճառելու համար, իսկ այսօր այն ունի ապրանքների ավելի լայն տեսականի:
Ընկերությունը ձգտում է գրավել ավելի երիտասարդ սպառողների, ովքեր ցանկանում են նոր ըմպելիքներ փորձարկել, և ովքեր պատրաստ են սովորականից ավելի շատ վճարելու մեկ բաժակ ավանդական սուրճի համար:
«Մենք ապրում ենք պրեմիում դասի սուրճի սպառման ժամանակաշրջանում, և դա Բրազիլիայում սուրճի օգտագործումն ավելի բարդ է դարձնում», — հարցազրույցում ասել է Nestle ապրանքանիշի ղեկավարը:
Ներդրումների մի մասն ուղղվելու է սպառման ընդլայնմանը, ընդ որում ընկերությունն ակնկալում է չորս տարվա ընթացքում կրկնապատկել սուրճ պատրաստող սարքավորումների թիվը՝ այն հասցնելով 44 000-ի:
Nestle-ն հայտնել է, որ Nescafe-ի վաճառքը Բրազիլիայի մանրածախ շուկայում ակնկալվում է, որ չորս տարվա ընթացքում կաճի տարեկան 15%—ով ՝ գերազանցելով կանխատեսված 5-6% աճը:
Բաժանորդագրվեք մեր ալիքին Telegram-ում
