Երևանի քաղաքապետի խորհրդական Սոնա Թևանյանն անդրադարձել է «Երևանի աղբահանություն և սանիտարական մաքրում» ՀՈԱԿ-ի՝ քաղաքապետարան ներկայացրած բացատրություններին։
Աղբամանների վերաբերյալ նշվել է, որ դրանք գույքագրվել են, սակայն մի մասը դուրս չի գրվել և խոտանված վիճակում պահվել է այլ հիմնարկների տարածքում։ Սա էլ առիթ է հանդիսացել հաշվարկների մեջ թվային տարբերություններին։
Թևանյանը նշել է, որ ֆինանսական և վառելիքի ծախսերի մասով բացատրությունները ներկայացվել են իրավապահներին։
Քաղաքապետ Տիգրան Ավինյանն էլ նշել է, որ «Երևան ավտոբուս»-ի հետ կապված ևս պահեստամասերի ու սպասարկման հարցերը կուսումնասիրվեն:
«Ամբողջապես անցնել այդ ցանկով, հասկանալ՝ կա՞ խնդիր, թե՞ չկա։ Եթե չկա, ավելի լավ, եթե կա, հասկանալ դրա հետևանքները, և ովքեր են մեղավորները»,- ասել է նա։
