Google-ը 600 մլն եվրո (640,62 մլն դոլար) է ներդնում հոլանդական Գրոնինգեն քաղաքում գտնվող տվյալների նոր կենտրոնում, որի արդյունքում կստեղծվի 125 նոր աշխատատեղ․ գրում է Reuters-ը։
2014 թվականից Google-ը ավելի քան 3,8 միլիարդ եվրո է ներդրել Նիդեռլանդների տվյալների կենտրոններում և հարակից թվային ենթակառուցվածքներում: Ընկերությունն ասել է, որ նոր տվյալների կենտրոնի կառուցման ժամանակ առաջնահերթություն է տալու կայունությանը և դրական ազդեցությանը տեղական համայնքի վրա:
Ապրիլին Google-ը բացահայտեց տվյալների կենտրոնների համար արհեստական ինտելեկտի չիպերի նոր տարբերակի մանրամասները և հայտարարեց Arm-ի վրա հիմնված կենտրոնական պրոցեսորի թողարկման մասին: Google-ի Tensor Processing Unit-ները (TPU-ները) Nvidia-ի առաջադեմ AI չիպերի մի քանի հնարավոր այլընտրանքներից մեկն են, թեև մշակողները ոչ թե ուղղակիորեն կգնեն դրանք, այլ միայն ընկերության ամպային հարթակի միջոցով կկարողանան մուտք գործել։
Բաժանորդագրվեք մեր ալիքին Telegram-ում
