Ամերիկյան 8 լրատվամիջոց հայց է ներկայացրել Microsoft-ի և ChatGPT չաթբոտի մշակողի դեմ՝ ընկերություններին մեղադրելով հեղինակային իրավունքի խախտման մեջ, գրում է Axios պորտալը՝ վկայակոչելով դատական փաստաթուղթը, տեղեկացնում է ՌԻԱ Նովոստին։
«Ամերիկյան 8 հայտնի թերթեր, որոնք պատկանում են ներդրումային հսկային՝ Alden Global Capital-ին, դատի են տվել OpenAI-ին և Microsoft-ին հեղինակային իրավունքի խախտման համար»,- հայտնում է պորտալը։
Ինչպես նշվում է, հայցը ներկայացրել են New York Daily News, Chicago Tribune, Orlando Sentinel, South Florida Sun Sentinel, San Jose Mercury News, Denver Post, Orange County Register և St. Paul Pioneer Press թերթերը.
Թերթերը, ըստ Axios-ի, մեղադրում են տեխնոլոգիական ընկերություններին առանց համապատասխան թույլտվության կամ վճարման միլիոնավոր հեղինակային իրավունքով պաշտպանված հոդվածներ գողանալու մեջ:
The Wall Street Journal-ը անցյալ դեկտեմբերին հայտնել էր, որ New York Times-ը դատի է տվել Microsoft-ին և ChatGPT-ի ծրագրավորողին՝ հեղինակային իրավունքի խախտման մեղադրանքով, ընդ որում հրապարակումը պնդում է, որ տեխնոլոգիական ընկերությունները օգտագործում են թերթի հոդվածները՝ առանց իրենց արտադրանքը օգտագործելու թույլտվության:
Հրատարակությունը պահանջել է վնասի փոխհատուցում և խնդրել, որ տեխնոլոգիական ընկերություններին արգելվի օգտագործել New York Times-ի հրապարակումները։
Բաժանորդագրվեք մեր ալիքին Telegram-ում
