Ամերիկյան դատարանը չորս ամսվա ազատազրկման է դատապարտել Binance-ի հիմնադիր Չանգպեն Չժաոյին։ Մեղադրական եզրակացության մեջ նշվում է, որ Չժաոն հանցագործներին թույլ է տվել իր հարթակում փողերի լվացմամբ զբաղվել։ Այս մասին գրում է BBC-ն։
Նոյեմբերին գործարարը հրաժարական տվեց Binance-ի ղեկավարի պաշտոնից և ընդունեց իրեն առաջադրված մեղադրանքը փողերի լվացման վերաբերյալ ԱՄՆ օրենքները խախտելու մասով:
Նա նաեւ համաձայնել է վճարել 50 մլն դոլար տուգանք, իսկ ԱՄՆ իշխանություններին ընկերությունը պետք է վճարի 4,3 մլրդ դոլար։
Forbes-ի տվյալներով՝ Չանգպեն Չժաոյի կարողությունը կազմում է 33 միլիարդ դոլար։
Ամերիկյան իշխանությունները մեղադրում են իրավապահ մարմիններից հանցագործությունների վերաբերյալ տեղեկությունները միտումնավոր թաքցնելու, պատժամիջոցների վերահսկման ռեժիմը խախտելու և կասկածելի գործարքների մասին չհայտնելու մեջ։
Խոսքը, մասնավորապես, ֆինանսական գործարքների մասին է, որոնք օգնել են երեխաների սեռական բռնություններին, թմրանյութերի ապօրինի շրջանառությանը և ահաբեկչական կազմակերպությունների գործունեությանը, ինչպիսին Համասն է․ գրում է Reuters-ը։
Միևնույն ժամանակ Նիգերիայում շարունակվում է հետաքննությունը Binance-ի բիրժայի բաժնի ղեկավար, ԱՄՆ քաղաքացի Տիգրան Ղամբարյանի նկատմամբ հարուցված գործով, նա գտնվում է Նիգերիայի բանտում։ Ղամբարյանը հերքում է իրեն առաջադրված փողերի լվացման մեղադրանքը:
Բաժանորդագրվեք մեր ալիքին Telegram-ում
