Պետական եկամուտների կոմիտեն տեղեկացնում է, որ շարունակվում են իրազեկման հանդիպումները բուհերի ուսանողների հետ՝ կոմիտեում աշխատանքի անցնելու հնարավորությունները ներկայացնելու և մաքսային ծառայողի պատրաստման դասընթացի ընդունելության վերաբերյալ տեղեկատվություն տրամադրելու նպատակով։
ՊԵԿ ներկայացուցիչներն այցելել են Հայաստանում ֆրանսիական համալսարան, որի ընթացքում ուսանողներին են ներկայացրել Հարկային և Մաքսային ծառայություններում աշխատանքի անցնելու հնարավորություններն ու մասնագիտական հեռանկարները։
![](https://banksnews.am/wp-content/uploads/2024/05/converse-970x250-c360.webp)
Մաքսային ծառայողի պատրաստման անվճար դասընթացի ընդունելությունը նախատեսվում է մեկնարկել ապրիլի 29-ից։ ՊԵԿ ուսումնական կենտրոնի կողմից կկազմակերպվեն չորսշաբաթյա դասընթացներ՝ տեսական և գործնական փուլերով:
Համալսարանի իրավագիտության, մարքեթինգի և հանրային կառավարման ֆակուլտետների ուսանողները ցուցաբերել են ակտիվություն և հետաքրքրություն՝ մաքսային և հարկային ոլորտներին առնչվող հարցերի, կազմակերպվող դասընթացների, ինչպես նաև ՊԵԿ-ում աշխատանքի անցնելու հնարավորությունների շուրջ քննարկումներին։
Մանրամասները՝ տեսանյութում:
Բաժանորդագրվեք մեր ալիքին Telegram-ում