Կառավարությունը որոշել է 12.5 մլն դրամ հատկացնել ՀՀ պարալիմպիկ հավաքական թիմի մարզիկների «Փարիզ 2024» պարալիմպիկ խաղերի մասնակցության վարկանիշ ձեռք բերելու, ինչպես նաև խաղերին հայ մարզիկների նախապատրաստման նպատակով:
Նախատեսվող հավելյալ գումարի հատկացումը հնարավորություն կտա Եվրոպայի և աշխարհի առաջնություններին նախապատրաստվելու և վարկանիշային մրցաշարերին մասնակցելու, ինչի արդյունքում էլ ՀՀ պարալիմպիկ հավաքական թիմի մարզիկները հնարավորություն կունենան մասնակցելու Խաղերին:
Հավելյալ գումարի տրամադրման արդյունքում ակնկալվում է ՀՀ պարալիմպիկ հավաքական թիմի մարզիկների մասնակցություն միջազգային վարկանիշային մրցաշարերին, Խաղերին հայ մարզիկների նախապատրաստման գործընթացի պատշաճ կազմակերպում:
Բաժանորդագրվեք մեր ալիքին Telegram-ում
