TikTok-ը կարող է արգելվել ԱՄՆ-ում, եթե սոցիալական մեդիայի հավելվածի չինացի սեփականատերը չվաճառի իր մասնաբաժինը: Այս մասին գրում է Sky News-ը։
ԱՄՆ Ներկայացուցիչների պալատը շաբաթ օրը՝ ապրիլի 20-ին, ընդունել է օրինագիծ, համաձայն որի՝ TikTok սոցիալական ցանցն ԱՄՆ-ում կարգելվի, եթե սեփականատեր չինական ByteDance կոնցեռնը այն չվաճառի այլ սեփականատիրոջ։
Փաստաթղթում ասվում է, որ ընկերությունը պետք է դա անի ինը ամսվա ընթացքում, սակայն ԱՄՆ նախագահը, իր որոշմամբ, կարող է երկարացնել այդ ժամկետը եւս երեք ամսով։
Ընկերությունը, ամենայն հավանականությամբ, կփորձի վիճարկել այդ որոշումը դատարանում՝ պնդելով, որ դա հավելվածի միլիոնավոր օգտատերերի կզրկի այն իրավունքներից, որոնք պաշտպանում են խոսքի ազատությունը:
Նման դատական վիճարկումները կարող են զգալիորեն հետաձգել Կոնգրեսի կողմից սահմանված ժամկետները կամ արգելափակել օրենքի ուժի մեջ մտնելը:
Բաժանորդագրվեք մեր ալիքին Telegram-ում
