ԱՄՆ սենատոր Շերրոդ Բրաունը համարձակ պահանջ է ներկայացրել՝ կոչ անելով նախագահ Ջո Բայդենին արգելել չինական ապրանքանիշերից էլեկտրական մեքենաների ներմուծումը և դրանք անվանելով «էկզիստենցիալ սպառնալիք» ամերիկյան ավտոարդյունաբերության համար։
Սենատի բանկային կոմիտեի նախագահ սենատոր Շերրոդ Բրաունը գրել է. «Չինական էլեկտրական մեքենաները էկզիստենցիալ վտանգ են ներկայացնում ամերիկյան ավտոարդյունաբերության համար»:
Նրա մեկնաբանությունները ԱՄՆ-ի օրենսդիրների շրջանում ամենակոշտն են այս հարցում, մինչդեռ մյուսները կոչ են արել բարձր մաքսատուրքեր սահմանել չինական էլեկտրական մեքենաների համար, որպեսզի այդպիսով դրանք չներմուծվեն։
«Մենք չենք կարող թույլ տալ, որ Չինաստանի կառավարության կողմից հովանավորվող խարդախությունները ներմուծվեն ամերիկյան ավտոարդյունաբերություն»,- ասել է սենատոր Բրաունը X սոցիալական մեդիա հարթակում հրապարակված տեսանյութում։
Փետրվարին Սպիտակ տունը հայտարարեց, որ Միացյալ Նահանգները հետաքննություն է սկսում՝ պարզելու, թե արդյոք չինական մեքենաները վտանգ են ներկայացնում ազգային անվտանգության համար:
Գործողությունների նման կոչը պատահական չէ․ չինական էլեկտրական մեքենաները հեղեղում են համաշխարհային շուկաները: Եվրոպական միության հետաքննությունները չինական BYD և MG ապրանքանիշերի վերաբերյալ տագնապ են առաջացրել որոշ երկրների առաջնորդների շրջանում: BYD-ն, որն աջակցություն է ստանում պետական սուբսիդիաներով, առաջ է անցել Tesla-ից։
Բաժանորդագրվեք մեր ալիքին Telegram-ում
