Կատարն ավելացրել է նավթի և գազի վաճառքից ստացվող եկամուտները

Կատարի բյուջեի եկամուտները կտրուկ աճել են էներգակիրների համաշխարհային գների բարձրացման պատճառով։ Այս մասին հայտնում է Al-Araby-al-Jadid-ը՝ հղում անելով Կատարի պլանավորման և վիճակագրության դեպարտամենտի հրապարակած տվյալներին։ Փոխանցում է Regnum-ը։

Վերջին տվյալների համաձայն՝ 2022 թվականի հուլիսին երկրի առևտրային հաշվեկշիռն աճել է 78%-ով՝ մինչև 34,8 մլրդ ռիալ ($1 = 3,6 ռիալ), 2022 թվականի նույն ժամանակահատվածի համեմատ։

Զեկույցի համաձայն՝ Կատարի արտահանման արժեքն աճել է 44,4 մլրդ ռիալով՝ տարեկան կտրվածքով ավելանալով 61,9%-ով, իսկ ամսական կտրվածքով աճել է 12,4%-ով։ Ապրանքների ներմուծման արժեքն աճել է տարեկան 21,8%-ով և հասել շուրջ 9,6 մլրդ ռիալի՝ ամսական 2,9% աճով։ Տարեկան համեմատությամբ «նավթային գազերի և այլ գազային ածխաջրածինների» արտահանման արժեքն աճել է մինչև մոտ 30,6 մլրդ ռիալ կամ 90,3 %։