Երևանի Օպերայի և բալետի ակադեմիական թատրոնի շենքը, նաև՝ «Մայր Հայաստան» արձանը կլուսավորվեն: Այս մասին հայտարարվել է Երևանի քաղաքապետարանի գործակարգավարական նիստում։
Նշվել է, որ Ազատության հրապարակում կտեղադրվեն հենասյուներ, որոնց վրա՝ լեդ լուսատուներ:
«Շենքի լուսավորության հետ կապված քննարկումներ են, որ և գույները, և տեսքը հստակ լինեն, վերջնական եզրահանգում դեռ չունենք»,- ասել է քաղաքապետարանի շինարարության և բարեկարգման վարչության պետ Տիգրան Գեղամյանը։
Քաղաքապետ Տիգրան Ավինյանը նաև հանձնարարական տվեց «Մայր Հայաստան» արձանի լուսավորման հետ կապված:
«Արձանը ոչ պատշաճ է լուսավորված»,- ասել է քաղաքապետը։
