«Միր» քարտերի սպասարկումը դադարեցնելու հետևանքով ՀՀ տնտեսությունը զգալի կորուստներ կկրի․ Զախարովա

1 Min Read

Հայաստանը ենթարկվեց Արևմուտքի ազդեցությանը «Միր» քարտերի սպասարկումը դադարեցնելու որոշման հարցում։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան․ փոխանցում է ՌԻԱ Նովոստին։

«Ցավով նշում ենք, որ Երևանը ենթարկվել է Արևմուտքի ճնշմանը, և այս հարցում երկրի տնտեսությունը զգալի վնասներ է կրելու, երկրի քաղաքացիներին լուրջ անհարմարություններ են սպասվում, Ռուսաստանում աշխատող հայերի համար կդժվարանա գումար փոխանցել իրենց հայրենիք, զբոսաշրջիկները նույնպես կկորցնեն քարտով վճարելու հնարավորությունը»,- ասել է նա։

Զախարովան հիշեցրել է, որ անցյալ տարի զբոսաշրջիկների թիվը գերազանցել է մեկ միլիոնը։

«Կան նաև այլ օրինակներ, թե ինչպես դա կհարվածի Հայաստանի տնտեսությանը, ես վստահ եմ, որ, ցավոք, այս քայլի ծախսերը շատ ավելին են, քան արևմտյան սահմանափակումների հիպոթետիկ վնասը»,- նշել է Զախարովան։


«Միր» քարտերն արգելելը հավասարակշռված և զգուշավոր դիրքորոշում է, չպետք է շրջանցենք պատժամիջոցները․ Թունյան․ ՏԵՍԱՆՅՈՒԹ


 

TAGGED:
Share This Article
Թողնել մեկնաբանություն