ՀՀ կառավարությունը 1.1 մլրդ դրամ սուբսիդիա կտրամադրի «Վեոլիա Ջուր» ՓԲԸ-ին, որպեսզի մանրածախ ծառայություններից օգտվող սպառողների համար 2024 թ. խմելու ջրի և կեղտաջրերի մաքրման ծառայությունների սակագները մնան անփոփոխ։
Որոշումն ընդունվել է ՀՀ կառավարության նիստի ժամանակ։
![](https://banksnews.am/wp-content/uploads/2024/05/converse-970x250-c360.webp)
2023 թ. նոյեմբերի 29-ին ՀՀ հանրային ծառայությունները կարգավորող հանձնաժողովը որոշում կայացրեց, ըստ որի` «Վեոլիա Ջուր» ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) մանրածախ ծառայությունների մատուցման 2024 թ. կմնա անփոփոխ՝ 180 դրամ, իսկ մյուս բաժանորդների համար՝ 205.992 դրամ:
«ՀՀ կառավարությունը համարժեք սուբսիդավորմամբ կչեզոքացնի սակագնի ավելացումը խմելու ջրի մատակարարման և ջրահեռացման (կեղտաջրերի մաքրման) մանրածախ ծառայությունների բաժանորդների համար։ Արդյունքում, 2024 թ. խմելու ջրի սակագինը սպառողների համար չի թանկանա»,- նշված է որոշման հիմնավորման մեջ:
Այդ նպատակով 2024 թ. պետբյուջեից ընկերությանը կտրամադրվի սուբսիդիա՝ խմելու ջրի յուրաքանչյուր խմ դիմաց՝ 5.522 դրամի չափով, ջրամատակարարման ծառայության համար 4.693 դրամի չափով և ջրահեռացման ծառայության համար՝ 0.829 դրամի չափով։
Բաժանորդագրվեք մեր ալիքին Telegram-ում