Դեռևս 2018 թվականից արևային ֆոտովոլտային կայանների ոլորտում մասնագիտացված Վոլտա ընկերությունն առաջարկում է արևային կայաններ, էներգախնայող համակարգեր և էներգաարդյունավետ լուծումներ։
Վոլտա ընկերության տնօրեն Նորայր Դումոյանը փաստում է, որ, ձեռք բերելով արևային կայան, հաճախորդը կատարում է երկարատև ներդրում, և որակյալ ապրանք ձեռք բերելուց զատ՝ հաճախորդը պետք է ստանա ապահովության երաշխիք։
Համատեղ համագործակցության շնորհիվ արևային ֆոտովոլտային կայանները ստանում են երկշերտ ապահովվածություն՝ երկարաժամկետ, անխափան աշխատանք ապահովելու համար։
«ՌԳՍ-Արմենիա» ընկերությունը հանդիսանում է Հայաստանի խոշորագույն ապահովագրական ընկերություն, որը ֆիզիկական և իրավաբանական անձանց տրամադրում է զանազան ապահովագրական ծառայություններ՝ բազմատեսակ ռիսկերից նրանց պաշտպանելու նպատակով: «Վոլտա» ընկերության համագործակցությունը «ՌԳՍ-ԱՐՄԵՆԻԱ» ընկերության հետ նպատակ ունի արևային կայան տեղադրել ցանկացող կամ դրանք արդեն տեղադրած հաճախորդներին ապահովագրել այնպիսի ռիսկերից, ինչպիսիք են տարերային աղետները (կայծակ, պտտահողմ, քամի, հրդեհ, կարկուտ և այլն), երկրաշարժը, կողոպուտը, գողությունը և այլն։
«Վոլտա» արևային ընկերության տնօրենը շեշտում է․ «Սա մեր ընկերության կողմից իրականացվող առաջընթացի ևս մեկ քայլ է, որով մենք նպատակ ունենք խթանելու արևային էներգիայի տարածմանը և բնական ռեսուրսի օգտագործմանը։ Չէ՞ որ Հայաստանը արևային երկիր է, և մեր հանրությանը պետք է հնարավորություն տալ օգտագործել այդ ռեսուրսը՝ ունենալով զրոյական ծախս»։
Բաժանորդագրվեք մեր ալիքին Telegram-ում
