ՀՀ կառավարության որոշումներով «ԷՖ-ՏԵՔՍ» ՍՊԸ-ն, «ՏԵՖՖԻ» ՓԲԸ-ն ազատվել են գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և նյութերի ներմուծման մաքսատուրքից: Այս մասին հայտնում են ՀՀ էկոնոմիկայի նախարարությունից։
«ԷՖ-ՏԵՔՍ» ՍՊԸ-ն Երևանում հագուստի արտադրության համար նախատեսում է իրականացնել 918 մլն դրամի ներդրում։
Ներկայումս առկա է 60 աշխատատեղ՝ 125 հազ դրամ միջին ամսական աշխատավարձով։ Մինչև 2027 թ. նախատեսվում է աշխատատեղերի թիվը հասցնել մինչև 95-ի՝ 175 հազ դրամ միջին ամսական աշխատավարձով։
«ՏԵՖՖԻ» ՓԲԸ-ն Կոտայքի մարզում նախատեսում է իրականացնել 4․2 մլրդ դրամի ներդրում էլեկտրական հաշվիչների մետաղական արկղերի, չժանգոտվող պողպատի թերթերից պատրաստված այլ ապրանքների, խոհանոցային և բժշկական մասնագիտացված կահույքի, ներկրվող չժանգոտվող մետաղական թերթերից արկղերի արտադրությա համար։
Ներկայումս առկա է 47 աշխատատեղ՝ 188 հազ դրամ միջին ամսական աշխատավարձով։ Մինչև 2027 թ. նախատեսվում է ստեղծել 23 նոր աշխատատեղ՝ 188 հազ դրամ միջին ամսական աշխատավարձով։
Բաժանորդագրվեք մեր ալիքին Telegram-ում
