Հայաստանում անշարժ գույքի շուկայի ակտիվության զգալի մասնաբաժինը պատկանում է Երևանին։ Մայրաքաղաքում անշարժ գույքի շուկան ալեկոծող մի շարք փոփոխությունների ենք ականատես լինում, որոնք բավականին վիճարկելի են հանրության տարբեր շերտերի համար։
Ի՞նչ է տեղի ունեցել անշարժ գույքի վարձակալության շուկայում 2023թ. ԻՆՖՈԳՐԱՖԻԿԱ
![](https://banksnews.am/wp-content/uploads/2024/05/converse-970x250-c360.webp)
Եկամտահարկի վերադարձման սկզբունքով Երևանում բնակարաններ ձեռք բերելու երկարամյա ծրագրի դադարեցման որոշումը հիասթափության տեղիք տվեց և՛ շինարարական ընկերություններին, և՛ երիտասարդներին։ Հաջորդ փոփոխությունը վարձակալության գործարքների գրանցումներն են, ինչի արդյունքում պետությանը պետք է գումարներ վճարվեն յուրաքանչյուր գործարքից։
Վերոնշյալ և մյուս որոշումների արդյունքը հանգեցնելու է Երևանում բնակարանների գների աճին։
Այս առումով հետաքրքիր կլինի ուսումնասիրել Երևանի տարբեր համայնքներում բազմաբնակարան շենքերի բնակարանների 1 քառ. մ մակերեսի հաշվարկով շուկայական միջին գների դինամիկան 2019-2023 թթ.:
Ներկայացված վիճակագրական տվյալների հիման վրա կատարված հաշվարկները ցույց են տալիս, որ 2023թ-ին 2019թ-ի համեմատ բազմաբնակարան շենքերի բնակարանների 1 քառ. մ մակերեսի հաշվարկով շուկայական միջին գների ամենամեծ աճը դիտվել է Արաբկիր համայնքում՝ մոտ 42%-ով։
2023թ-ին 2019թ-ի համեմատ գների բարձր աճի մակարդակով 2-րդ տեղում Կենտրոն համայնքն է՝ 37,9%։ Այստեղ բազմաբնակարան շենքերի բնակարանների 1 քառ. մ մակերեսի հաշվարկով շուկայական միջին գինը 2023թ-ին կազմել է ֏837,700։ Նկատենք, որ Կենտրոն և Արաբկիր համայնքի բազմաբնակարան շենքերի բնակարանների 1 քառ. մ մակերեսի հաշվարկով շուկայական միջին գների տարբերությունը կազմել է ֏249,800։
2023թ-ին 2019թ-ի համեմատ գների 37,4% աճ է արձանագրվել Մալաթիա-Սեբաստիա համայնքում, որտեղ բազմաբնակարան շենքերի բնակարանների 1 քառ. մ մակերեսի հաշվարկով շուկայական միջին գինը կազմել է ֏365,800։
2023թ-ին 2019թ-ի համեմատ գների նվազագույն աճը արձանագրվել է Նուբարաշենում՝ 20,8%։ 2023թ-ին Երևանում բազմաբնակարան շենքերի բնակարանների 1 քառ. մ մակերեսի հաշվարկով շուկայական միջին գնի նվազագույն մակարդակը հաստատվել է հենց Նուբարաշենում՝ ֏214,200։
2023թ-ի դրությամբ Կենտրոն և Նուբարաշեն համայնքների բազմաբնակարան շենքերի բնակարանների 1 քառ. մ մակերեսի հաշվարկով շուկայական միջին գների տարբերությունը կազմել է ֏623,500։
Բաժանորդագրվեք մեր ալիքին Telegram-ում