ԱՄՆ-ից նավթի և նավթամթերքի արտահանումը ռեկորդային է եղել նախորդ շաբաթ

Անցյալ շաբաթ Միացյալ Նահանգները արտահանել է օրական ավելի քան 11 միլիոն բարել նավթ և վերամշակված արտադրանք, ինչը ռեկորդային ցուցանիշ է սկսած 1991 թվականի փետրվարից, հաղորդում է Bloomberg-ը՝ վկայակոչելով ԱՄՆ էներգետիկայի նախարարության պաշտոնական տվյալները։

Արտասահման դիզելային վառելիքի մատակարարումն աճել է 20%-ով, իսկ նավթի արտահանումը երկրորդ շաբաթն անընդմեջ հասել է օրական 4 միլիոն բարելի՝ 2015 թվականից ի վեր առաջին անգամ:

Միացյալ Նահանգները ուժեղացնում է վառելիքի մատակարարումները էներգետիկ ճգնաժամի ֆոնին, որն առաջացել է ռուսական նավթի և գազի վաճառքի կրճատման պատճառով:

Եվրոպան ԱՄՆ-ի էներգիայի արտահանման հիմնական ուղղությունն է։