Instagram-ն օգտատերերի համար մի քանի արդյունավետ փոփոխություններ է իրականացրել․ գրում է Business Insider-ը։
Սոցցանցը թույլ է տվել օգտատերերին խմբագրել անձնական հաղորդագրությունները ուղարկելուց հետո 15 րոպեի ընթացքում։
Ուղարկված հաղորդագրությունը փոխելու համար հարկավոր է սեղմած պահել այն և բացվող ընտրացանկից ընտրել «Խմբագրել» տարբերակը: Դրանից հետո հաղորդագրության վերևում կհայտնվի «Խմբագրված» նշանը: Նախկինում, եթե ցանկանում էիք թաքցնել սխալը, պետք է չեղարկեիք (unsend) հաղորդագրությունը:
Բացի այդ, այժմ օգտատերերը զրուցակիցների համար կարող են թաքցնել հաղորդագրության «Ընթերցված» կարգավիճակը տեսնելու հնարավորությունը։ Այս գործառույթն ակտիվացնելու համար անհրաժեշտ է փոփոխություններ կատարել կարգավորումների բաժնում։
Այսուհետ նոր փոփոխոությունների շնորհիվ օգտատարերն իրենց համար ցանկալի առավելագույնը երեք նամակագրություն կարող են ամրացնել (pin):
Բաժանորդագրվեք մեր ալիքին Telegram-ում
