Օրենսդրական այս փոփոխությունից հետո բանկային գաղտնիքը մեր երկրում այլևս պաշտպանված չի լինելու, այն դառնալու է ձևւական։ Այս մասին այսօր «Մեդիա կենտրոնում» հրավիրված քննարկման ժամանակ ասաց փաստաբան Արսեն Սարդարյանը։
«Այսօր բանկային գաղտնիքի բավականին բարձր նշաձող ենք դրել։ Օրինակ` քրեական արդարադատության ոլորտում, որտեղ հանրային բարձր վտանգավորության հանցագործությունների բացահայտման խնդիր ունենք, հանրային բարձր շահ կա, անձի վերաբերյալ բանկային տվյալների գաղտնիությունը կարող է սահմանափակվել միայն դատարանի որոշմամբ, այն էլ անձին մեղադրյալ ներգրավելուց հետո։ Ու հիմա հարկային օրենսդրությամբ նշաձողը փոխում են, սահմանում, որ բոլոր սուբյեկտների նկատմամբ այս օրենքը տարածվելու է։ Այսինքն, այն տարածվելու է մի շարք ֆիզիկական անձանց վրա՝ աշխատանքային պայմանագրով կամ քաղիրավական պայմանագրով ծառայություններ մատուցող անձանց վրա։ 2025 թվականից բոլորի վրա է տարածվելու։ Չի լինելու անձ, որը ունի բանկային հաշիվ, հարկայինը հասանելիություն չունենա»,-ասաց Սարդարյանը։
Մանրամասները՝ տեսանյութում։
Բաժանորդագրվեք մեր ալիքին Telegram-ում
