Հայաստանը շուտով նոր կենսաչափական անձնագրերի մրցույթ կհայտարարի. փոխվարչապետ

1 Min Read

ՀՀ կառավարությունը շուտով մրցույթ կհայտարարի նոր կենսաչափական անձնագրերի համակարգի ներդրման համար։

Այս մասին ՀՀ ազգային ժողովում կառավարության հետ հարցուպատասխանի ժամանակ ասել է փոխվարչապետ Մհեր Գրիգորյանը։

Նա ընդգծել է, որ հայտարարել են միջազգային մրցույթի մեկնարկի մասին, որին մասնակցում են շատ բարձր որակավորում ունեցող ինստիտուցիոնալ մասնակիցներ, որոնք զբաղեցնում են առաջատար դիրքեր, ընդ որում՝ համաշխարհային մասշտաբով։

Գրիգորյանը կոնկրետ ժամկետ չի նշել, միայն ընդգծել է, որ կենսաչափական անձնագրային համակարգում առկա խնդիրը միայն անձնագրի ձևի հարցը չէ։

«Դա բավականին բարդ համակարգ է:Եվ միայն դրա առկայության դեպքում մենք կկարողանանք իսկապես խթանել ԵՄ-ի հետ վիզային ռեժիմի ազատականացման գործընթացը։ Ի՞նչ է դա նշանակում: Փաստորեն անձնագիրը, որը մենք կունենանք, ընդամենը բանալի է, որով կարող ենք մուտք գործել թվային համակարգ։ Այն մեզ թույլ կտա իրականում բացահայտել անձին։ Ընդ որում՝ սկսած սահմանը հատելու գործընթացից, վերջացրած մնացած բոլոր խնդիրներով, որոնք անհրաժեշտ են այս գործընթացի իրականացման համար: Մենք արդեն ունեինք կենսաչափական անձնագրեր, բայց տեխնիկական պարամետրերի տեսանկյունից դրանք ոչնչի մասին են»,- ասել է փոխվարչապետը։

Share This Article
Թողնել մեկնաբանություն