Եվրոգոտու գործարար ակտիվությունը շարունակում է նվազել. ռեցեսիան մոտենում է

Եվրոգոտում տնտեսական ակտիվությունը երկրորդ ամիսն անընդմեջ նվազել է՝ ազդարարելով, որ ռեցեսիայի հետ կապված մտավախությունները կարող են իրականանալ։

Այս մասին հայտնում է Bloomberg-ը։

Եվրոգոտու 19 երկրների գործարար ակտիվության կոմպոզիտային ինդեքսն (PMI) օգոստոսին իջել է 50 կետի նշագծից, որն առանձնացնում է գործարար ակտիվության աճն անկումից, երկրորդ ամիսն անընդմեջ: Այն հուլիսին 49,9 կետից իջել է մինչև 49,2 կետ՝ ըստ S&P Global հետազոտական կազմակերպության նախնական տվյալների:

- Գովազդ -

Գործարար ակտիվության մարման միտումը օգոստոսին գրանցել են ոչ միայն Գերմանիայում, այլև Ֆրանսիայում:

Եվրոգոտու ծառայությունների ոլորտում ակտիվության ցուցանիշն օգոստոսին հուլիսյան 51,2 կետից նվազել է մինչև 50,2 կետ՝ թարմացնելով նվազագույնը 2021 թվականի ապրիլից ի վեր։ Արժութային բլոկի արդյունաբերական PMI-ն 49,8-ից իջել է մինչև 49,7 հասնելով 2020 թվականի հունիսից ի վեր ամենացածր մակարդակին:

Այս իրավիճակը երկընտրանք է ստեղծում Եվրոպական կենտրոնական բանկի համար, որը պետք է որոշի, թե որն է ավելի կարևոր՝ զսպել գնաճը, որը գտնվում է բազմամյա բարձր մակարդակի վրա, թե՞ աջակցել տնտեսական աճին։