Ուսումնասիրենք 2024թ. առաջին ամսվա գնային փոփոխությունները ՀՀ խոշոր քաղաքներում։ Անդրադառնանք գնաճին ՀՀ խոշոր քաղաքներում և նկարագրենք գնային փոփոխությունների իրավիճակը կարևորագույն ոլորտներում՝ տրանսպորտ, կրթություն, առողջապահություն, հանգիստ և մշակույթ:
Ամենաբարձր գնաճը դիտվել է տրանսպորտի ոլորտում. Հունվարը` թվերով. Ինֆոգրաֆիկա
Ըստ Վիճակագրական կոմիտեի տվյալների՝ 2024թ-ի հունվարին 2023թ-ի նույն ամսվա համեմատ գների փոփոխությունը ՀՀ խոշոր քաղաքներում հաստատվել է հետևյալ մակարդակներում.
Հիշեցնենք, որ 2024թ-ի հունվարին 2023թ-ի հունվարի համեմատ հանրապետությունում արձանագրվել է գների անկում 0,9%-ով։ Մարզերի մի շարք խոշոր քաղաքներում ևս արձանագրվել են գնանկումներ։
Ամենամեծ գնանկումը դիտվել է Վանաձորում՝ 1,9%-ով։ Գնանկման բարձր մակարդակներ են առկա նաև Իջևանում՝ 1,4%-ով և Երևանում՝ 1%-ով։ Աշտարակում գների որևէ փոփոխություն չի դիտվել։
Հաջորդիվ ուսումնասիրենք գնաճը վերոնշյալ ոլորտներում ՀՀ խոշոր քաղաքներում.
Վիճակագրական տվյալներից տեղեկանում ենք, որ գների զգալի աճ է դիտվել տրանսպորտի ոլորտում: Հանրապետությունում տրանսպորտի գների աճը 2024թ-ի հունվարին 2023թ-ի նույն ամսվա համեմատ կազմել է 9,2%։ Բարձր գնաճեր նկատվել են Իջևանում՝ 13,8%-ով, Արտաշատում՝ 13%-ով, Եղեգնաձորում՝11,5%-ով, Աշտարակում՝ 11,4%-ով, Կապանում՝10,6%-ով, Հրազդանում՝10,4%-ովև Վանաձորում՝ 9,4%-ով:
Տրանսպորտի ոլորտում ամենացածր գնաճը դիտվել է Գյումրիում՝ 4,8%։
Առողջապահության ոլորտում գների կտրուկ աճ է արձանագրվել Աշտարակ քաղաքում՝ 14,1%: Նախորդ ամիս այս քաղաքում ևս առողջապահության ոլորտում զգալի գնաճ էր արձանագրվել: Անհրաժեշտ է հետևողական լինել, վերլուծել և հասկանալ նման գնաճի պատճառները:
Առողջապահության ոլորտում ամենախոր գնանկումը նկատվել է Արտաշատում՝ 3,7%-ով:
2024թ-ի հունվարին 2023թ-ի նույն ամսվա համեմատ կրթության ոլորտում ամենաբարձր գնաճը դիտվել է Հրազդանում՝ 10.9%, իսկ ամենացածրը՝ Իջևանում՝ 2%, և գների փոփոխություն չի դիտվել Կապանում:
Ինչ վերաբերում է հանգստի և մշակույթի բնագավառին, ապա 2024թ-ի հունվարին 2023թ-ի նույն ամսվա համեմատ ամենաբարձր գնաճը նկատվել է Հրազդանում՝ 5.4%, իսկ ամենացածրը՝ Վանաձորում՝ 0,2%։
Բաժանորդագրվեք մեր ալիքին Telegram-ում
