Մերիլենդի համալսարանի պրոֆեսորը, չինական Alibaba կորպորացիայի պատվերով, ծրագրային ապահովում է ստեղծել մեքենայական ուսուցման համար, որով կարելի է վերահսկել բնակչությանը և նույնիսկ կանխատեսել մարդու վարքագիծը։ Այս մասին երկուշաբթի հայտնել է The Daily Beast-ը։
Ըստ 2018 թվականի հետազոտական դրամաշնորհի, չինական կորպորացիան $125,000 է հատկացրել ամերիկյան համալսարանի պրոֆեսոր Դինեշ Մանոչիի գլխավորած հետազոտական թիմին՝ քաղաքային հսկողության ծրագրայի ապահովման մշակման համար: Այն, ըստ փաստաթղթի, պետք է կարողանա «դասակարգել յուրաքանչյուր անցորդի ինքնությունը և որոշել այլ կենսաչափական բնութագրեր»։
Ըստ New American Security վերլուծական կենտրոնի հետազոտող Ռայան Ֆեդասյուկի, «այս ծրագրային ապահովման ակնհայտ նպատակն է նախապես կանխատեսել բողոքի ցույցերը, որպեսզի դրանք հնարավոր լինի ճնշել»:
Մանոչին արհեստական ինտելեկտի և ռոբոտաշինության ոլորտում ականավոր գիտնական է, ով ստացել է մրցանակներ և պարգևներ Google-ի, IBM-ի և շատ այլ կազմակերպությունների կողմից:
Բաժանորդագրվեք մեր ալիքին Telegram-ում
