20 տեխնոլոգիական ընկերություններից բաղկացած խումբը հայտարարեց, որ իրենք պայմանավորվել են միասին աշխատել՝ ԱՄՆ-ում նախագահական գալիք ընտրություններին արհեստական բանականության ապակողմնորոշիչ բովանդակության միջամտությունը կանխելու համար, գրում է Reuters -ը։
Գեներացնող արհեստական բանականության (AI) արագ աճը, որը կարող է վայրկյանների ընթացքում ստեղծել տեքստ, պատկերներ և տեսանյութեր, մեծացրել է այն մտավախությունները, որ AI-ն կարող է օգտագործվել այս տարվա հիմնական ընտրությունների վրա ազդելու համար:
Մյունխենի անվտանգության համաժողովում հայտարարված տեխնոլոգիական համաձայնագրի ստորագրողներն այն ընկերություններն են, որոնք մշակում են գեներացնող արհեստական բանականության մոդելներ. դրանք օգտագործվում են բովանդակություն ստեղծելու համար, այդ թվում ՝ OpenAI-ն, Microsoft-ը, և Adobe -ը:
Այլ ստորագրողների թվում են սոցիալական մեդիահարթակների այնպիսի հսկաներ, ինչպիսիք են Meta Platforms-ը, TikTok-ը և X-ը, որոնք կկանգնեն իրենց կայքերից վնասակար բովանդակությունը հեռացնելու դժվարին առաջադրանքի առջև։
Համաձայնագիրը ներառում է AI-ի կողմից ստեղծված ապակողմնորոշիչ պատկերների, տեսանյութերի և աուդիոների հայտնաբերման գործիքների մշակման, ապակողմնորոշիչ բովանդակության վերաբերյալ հանրային իրազեկման արշավների իրականացման և իր ծառայություններում նման բովանդակության վերաբերյալ գործողություններ ձեռնարկելու ուղղությամբ համագործակցե պարտավորություններ:
Բաժանորդագրվեք մեր ալիքին Telegram-ում
