Ռուսաստանում գնաճը նվազեցնելու համար անհրաժեշտ է շարունակել կոշտ դրամավարկային քաղաքականությունը, հայտարարել Է ՌԴ կենտրոնական բանկը,-գրում է Vedomosti.ru-ն:
2024 թվականի հունվարին սպառողական ապրանքների գնաճը պահպանվել է։ Այնուամենայնիվ, գնաճի տեմպերը տարեկան կտրվածքով շարունակում են զգալիորեն գերազանցել 4%–ը: Նշվում է, որ գնաճի տեմպերը նվազեցնելու համար անհրաժեշտ է երկար ժամանակ պահպանել կոշտ դրամավարկային քաղաքականությունը։
Նշվում է նաև, որ 2024 թվականի հունվարին ՌԴ-ում սպառողական ապրանքների գներն աճել են 0.86%-ով։ Ընդ որում, տարեկան կտրվածքով դրանք հունվարին աճել են 6.7%-ով ՝ դեկտեմբերի 6.3%-ի դիմաց։
Ռուսաստանի ԿԲ-ն հայտնել է, որ 2023 թվականի երրորդ և չորրորդ եռամսյակների համեմատ, ընթացիկ տարվա գնաճը ցածր է եղել: Տարեկան գնաճը կազմել է 7.44%՝ դեկտեմբերի 7.42%-ի դիմաց։
Կենտրոնական բանկը նաև նշել է, որ հունվարին ՌԴ-ում գնաճին նպաստող հիմնական գործոնը ներքին բարձր պահանջարկն էր, որը շարունակում է պահպանվել:
«Հաշվի առնելով իրականացվող դրամավարկային քաղաքականությունը ՝ տարեկան գնաճը 2024 թվականին կնվազի մինչև 4.0-4.5 %, իսկ հետագայում կմնա 4%-ի սահմաններում», – հայտնել են ԿԲ-ից։
Փետրվարի 16-ին Ռուսաստանի ԿԲ տնօրենների խորհուրդը այս տարվա առաջին նիստում հիմնական տոկոսադրույքը սահմանեց 16%։ Դեկտեմբերի նիստից հետո, երբ կենտրոնական բանկը բարձրացրեց տոկոսադրույքը 15-ից մինչև 16%, բանկի նախագահն ասաց, որ քանի դեռ գնաճի նվազման կայուն միտում չի սկսվել, տոկոսադրույքը կմնա բարձր այնքան ժամանակ, որքան անհրաժեշտ է:
Բաժանորդագրվեք մեր ալիքին Telegram-ում
