Եվրասիական տնտեսական միությունում (ԵԱՏՄ) արդյունաբերական արտադրության ծավալը 2023 թվականի արդյունքներով 2022 թվականի համեմատությամբ աճել է 3․7 %-ով։ Այս մասին ասված է Եվրասիական տնտեսական հանձնաժողովի (ԵԱՏՀ) մամուլի հաղորդագրությունում։
2023 թվականի հունվար-դեկտեմբերին Եվրասիական տնտեսական միության արդյունաբերական արտադրության ծավալը 2022 թվականի հունվար-դեկտեմբերի մակարդակի նկատմամբ կազմել է 103․7 %: Արդյունաբերական արտադրության աճ է գրանցվել Բելառուսում՝ 7․7 %, Ղազախստանում՝ 4․3 %, Հայաստանում` 4․1 %, Ռուսաստանում՝ 3․5 %, Ղրղզստանում՝ 2․7 %։
![](https://banksnews.am/wp-content/uploads/2024/05/converse-970x250-c360.webp)
Նշվում է, որ մշակող արդյունաբերությունում արտադրության ծավալն աճել է 7․4 %-ով, էլեկտրաէներգիայի, գազի, գոլորշու և օդորակման մատակարարման ոլորտում՝ 0․3 %-ով։
Ընդ որում, արտադրության ծավալը նվազել է, մասնավորապես, հանքարդյունահանման արդյունաբերության և բացահանքերի շահագործման ոլորտում՝ 0․6 %-ով: