Արևմտյան խոշոր ներդրողը լքել է ռուսական ավտոարդյունաբերությունը։ Գերմանական Daimler Truck կոնցեռնը 2024 թվականին վաճառել է բեռնատար մեքենաներ արտադրող «Կամազ» ընկերության բաժնետոմսերի 15%-ը, – հայտնում է Bloomberg-ը։
Գնորդը և գործարքի գումարի չափը դեռ հայտնի չեն, բայց ենթադրվում է, որ նա սերտորեն կապված է պետության և ռազմարդյունաբերական համալիրի հետ։ Գործարքն արդեն կայացել է, նշել է «Կամազ»-ին մոտ կանգնած աղբյուրը ՝ չբացահայտելով մանրամասները։
Թերթը հիշեցնում է, որ հիմնական բաժնետերերը դեռ շարունակում են մնալ «Ռոստեկ» ընկերությունների խումբը (47․1%) և «Ավտոինվեստ» ընկերությունը (23․5%): Վերջինս պատկանում է «Տրոյկա Դիալոգ» ներդրումային ընկերության հիմնադիրներից մեկին ՝ Ռուբեն Վարդանյանին, ով տնօրինում է 20%-ը, Կոգոգինին, ով տնօրինում է 30%-ը, և գործարար Նիկոլայ Տիմոխինին, ով տնօրինում է 50 %-ը։
Mercedes-Benz Group-ի մաս կազմող Daimler Truck-ը դարձել է «Կամազ»-ի բաժնետեր 2008 թվականին և աստիճանաբար իր մասնաբաժինը հասցրել է 15%-ի: Գերմանական կոնցեռնը դադարել է մասնակցել արտադրողի աշխատանքներին 2022 թվականի փետրվարից, երբ «Կամազ»-ը հայտնվել է ԵՄ պատժամիջոցների տակ։
Բաժանորդագրվեք մեր ալիքին Telegram-ում
