Վերջերս կատարված ուսումնասիրությունը ցույց է տվել, որ ավելի քան 11 մլն բրիտանացիներ ունեն 1000 ֆունտ ստերլինգից պակաս խնայողություններ, – գրում է Euronews-ը։
Resolution Foundation-ի նոր զեկույցի համաձայն, Մեծ Բրիտանիայում աշխատունակ տարիքի յուրաքանչյուր երրորդ մեծահասակն իր խնայողական հաշվում ունի 1000 ֆունտ ստերլինգից (1․175 եվրո) պակաս գումար:
Սա նշանակում է, որ ավելի քան 11 միլիոն մարդ կարող է դժվարություններ ունենալ «սև օրվա» կամ թոշակի անցնելու համար բավարար գումար մի կողմ դնելու ժամանակ:
Կյանքի արժեքի ճգնաժամը հանգեցրել է նրան, որ քիչ խնայողություններ ունեցող մարդիկ ստիպված են լինում դժվար պահերին պարտք վերցնել: Նույնիսկ նրանք, ովքեր ունեն ավելի քան 1000 ֆունտ ստերլինգ խնայողություն ՝ մոտ 18%-ը, նշել են, որ 2023 թվականի հուլիսից մինչև 2023 թվականի հոկտեմբեր ընկած ժամանակահատվածում իրենց ամենօրյա կյանքի ծախսերը հոգալու համար վարկ են վերցրել։
Resolution Foundation-ը նաև անմիջական կապ է գտել ցածր խնայողությունների և վատ հոգեկան առողջության միջև: Երբ խնայողությունները քիչ են, դա կարող է հանգեցնել անհանգստության և մտավոր հոգնածության: Հոգեկան առողջության վատթարացումը կարող է ազդել նաև քիչ խնայողությունների և ընդհանուր եկամտի վրա։
Նույն ուսումնասիրության համաձայն, կենսաթոշակային խնայողությունների թվերը նույնպես հուսահատեցնող են: Պարզվել է, որ 22-ից մինչև կենսաթոշակային տարիքի անձանց մոտ 39%-ը, ներկայումս 66 տարեկան են, բայց 2026-ից 2028 թվականներին այդ տարիքը կբարձրանա մինչև 67/68 տարեկան։
Նշվում է, որ ընդհանուր առմամբ 13 մլն մարդ ունի կենսաթոշակի համար անբավարար խնայողություններ:
Մասնագետները կարծում են, որ բարձր կենսաթոշակ ստանալու համար նպատակային գործակիցը պետք է կազմի նախաթոշակային եկամտի առնվազն երկու երրորդը:
ԵՄ-ում խնայողներն ավելի լավ են գործել, ԵՄ ամբողջ տնային տնտեսությունները 2022 թվականին խնայել են իրենց եկամտի ավելի քան 12․7%-ը, սակայն, ըստ Eurostat-ի, այնուամենայնիվ, դա զգալի անկում է նախորդ տարի գրանցված 16․4%-ի համեմատ։
Առաջատարը Գերմանիան է՝ 19․9% խնայողություններով, ինչը 2022թ.-ին ԵՄ անդամ երկրների շրջանում ամենաբարձր ցուցանիշն է։ Հաջորդում են Նիդեռլանդները՝ 19․4% և Լյուքսեմբուրգը՝ 18․1% ցուցանիշներով։
2022 թվականին ԵՄ 12 այլ անդամներ գրանցել են 10․0%-ից պակաս խնայողություններ: Դրանց թվում էին Լեհաստանը և Հունաստանը, որոնք արձանագրել են համապատասխանաբար -0.8% և -4.0% բացասական ցուցանիշներ։ Նշվում է, որ շատ տնային տնտեսություններ ծախսել են ավելի շատ, քան իրենց եկամուտն է եղել:
Մեծ Բրիտանիայի նման, այդ խնայողներն էլ կամ ծախսել են նախկին ժամանակաշրջաններից կուտակված պահեստային գումարները, կամ դիմել են փոխառության՝ իրենց ծախսերը ֆինանսավորելու համար:
Ինչպես Մեծ Բրիտանիայում, այս խնայողներ ևս կամ ծախսել են նախկինում խնայած գումարները, կամ իրենց ծախսերը ֆինանսավորելու համար վարկ են վերցրել:
Բաժանորդագրվեք մեր ալիքին Telegram-ում
