Մարգարա անցակետով անցած տարի Հայաստան է մուտք գործել ՀՀ 38, մեկնել՝ 28 քաղաքացի

Հայ-թուրքական սահմանին գտնվող Մարգարայի անցակետով 2023 թվականին Հայաստան է մուտք գործել Հայաստանի 38 քաղաքացի, մեկնել է՝ 28-ը:

Այս տվյալները հայտնում է ՀՀ վիճակագրական կոմիտեն:

1993 թվականին Թուրքիան միակողմանիորեն փակել էր Հայաստանի հետ օդային և ցամաքային սահմանը, և Մարգարայի անցակետը ուղիղ երեք տասնամյակ չէր գործում:

Երկու երկրների միջև պայմանավորվածություն էր ձեռք բերվել ցամաքային սահմանը բացել երրորդ երկրների քաղաքացիների և դիվանագիտական անձնագիր ունեցող անձանց համար։