Ուկրաինայում ռազմական գործողության մեկնարկից ի վեր Չինաստանը մոտ 75%-ով ավելացրել է Ռուսաստանից նավթի, նավթամթերքի և ածուխի մատակարարումները, հայտնում է Bloomberg-ը։ Փետրվարից ի վեր ռուսական էներգառեսուրսների արտահանման ծավալը Չինաստան կազմել է 35 մլրդ դոլար (2021 թվականի նույն ժամանակահատվածի 20 մլրդ դոլարի դիմաց)։
Ի դեպ, Չինաստանը այդ ամենի մի մասը գնում է ցածր գներով։
Գործակալության տվյալներով՝ Ռուսաստանն այժմ Չինաստանին վառելիքի հիմնական մատակարարն է։
Չնայած այն հանգամանքին, որ նախորդ ամիսների համեմատ Ռուսաստանը սկսեց ավելի քիչ հում նավթ և հեղուկ բնական գազ մատակարարել Չինաստան, նշված ռեսուրսների արտահանման ծավալները շարունակում են մնալ ավելի բարձր մակարդակի վրա, քան 2021 թվականին (համապատասխանաբար +8% և +20%)։
Անցած տարվա ընթացքում Ռուսաստանը նաև ավելացրել է էներգառեսուրսների արտահանումը Հնդկաստան՝ դառնալով առաջատար արտահանողներից մեկը։
Ինչպես հաղորդում է Reuters-ը, մայիսին Հնդկաստան ռուսական նավթի մատակարարումների ծավալը հասել է օրական 819 հազար բարելի (ապրիլի 277 հազարի դիմաց)։
Բաժանորդագրվեք մեր ալիքին Telegram-ում
