Մինչև 2024 թ. սեպտեմբերի 1–ը ձկնորսները կարող են դիմել շուրջ 257 տոննա քվոտայի շրջանակում Սևանա լճում օրինական որս իրականացնելու համար։ Կառավարության նիստի ժամանակ տեղեկացրեց ՀՀ շրջակա միջավայրի նախարար Հակոբ Սիմիդյանը` ներկայացնելով Սևանա լճում արդյունագործական որսի չափաքանակը հաստատելու մասին նախագիծը։
2022 թ. քվոտան եղել է 600 տոննայի շրջանակում, 1 կգ սիգի դիմաց ձկնորսը 65 դրամ է վճարում ՀՀ պետական բյուջե։
![](https://banksnews.am/wp-content/uploads/2024/05/converse-970x250-c360.webp)
Փաշինյանը դժգոհ էր ներկայացված տվյալներից։
«Մեկ կգ սիգի դիմաց վճարումը 65 դրամ է, մինչդեռ սիգի շուկայական արժեքը մի քանի անգամ բարձր է։ 2022 թ. 600 քվոտայի դեպքում 566.1 տոննա սիգ է իրացվել, թեև գիտենք, որ կրկնակի անգամ ավելի որս է արվել, բայց գոնե այդքան գումարը չենք կարողացել ապահովել։ Սա անընդունելի բան է։ Ավելի վատն այն է, որ 2023 թ. քվոտաների ցուցանիշն ավելի է նվազել։ Կամ, ասենք` գինը ո՞նց ենք որոշել, որ 65 դրամ է, այլ ոչ թե 100 դրամ։ Ես նախարարի հետ էլ եմ առավոտյան խոսել, չի կարող նման բան կրկնվի` ինչքան քվոտան տրված է, ճշգրիտ այդքանի դիմաց պետք է վճարում կատարվի»,– նշեց ՀՀ վարչապետը։
Մանրամասները՝ տեսանյութում։
Բաժանորդագրվեք մեր ալիքին Telegram-ում