​Սաուդյան Արաբիայում բացվել է ալկոհոլի առաջին խանութը. հատուկ անձինք միայն կարող են կատարել գնումներ

Սաուդյան Արաբիայի մայրաքաղաքում 70 տարվա մեջ առաջին անգամ բացվել է ալկոհոլային խմիչքների խանութ։ Այն նախատեսված է միայն ոչ մահմեդական դիվանագետների համար և գտնվում է մայրաքաղաքի դիվանագիտական ​​թաղամասում,– գրում է Russianemirates-ը:

Այս քայլը նախաձեռնվել է թագաժառանգ արքայազն Մուհամեդ բեն Սալմանի՝ Սաուդյան Արաբիան զբոսաշրջության և բիզնեսի կենտրոն դարձնելու հավակնոտ ծրագրերի շրջանակում:

Այն հիշեցնում է անմաքս առևտրի խանութի, որ սովորաբար բացվում է միջազգային օդանավակայաններում։ Ներկայումս այնտեղ կարելի է գտնել ոգելից խմիչքներ, գինի և առայժմ միայն երկու տեսակի գարեջուր:

Գնումներ կատարելու համար հաճախորդները պետք է ներկայացնեն իրենց դիվանագիտական ​​անձը հաստատող փաստաթուղթը: Խանութում չի կարելի օգտագործել բջջային հեռախոսներ և նկարահանումներ կատարել:

Սաուդյան Արաբիայի իշխանությունների կողմից խանութի բացման վերաբերյալ պաշտոնական մեկնաբանություններ դեռևս չեն եղել։

Դիվանագետներն ավանդաբար ալկոհոլային խմիչքներ էին ներմուծում մասնագիտացված կապալառուների օգնությամբ ՝ դիվանագիտական վայրերում օգտագործելու համար։

Ներկայումս Սաուդյան Արաբիան շարունակում է մնալ աշխարհի այն եզակի երկրներից մեկը, որտեղ խստորեն արգելվում է ալկոհոլի օգտագործումը:

Հարկ է նշել, որ թագավորությունն արգելել է ոգելից խմիչքներ օգտագործել դեռևս 1950-ականների սկզբին։