![](https://banksnews.am/wp-content/uploads/2024/05/converse-970x250-c360.webp)
Հայաստանի մարդկային ռեսուրսների ասոցիացիան «Գրանթ Թորնթոն Հայաստան» ընկերության հետ համատեղ արդեն երրորդ տարին անընդմեջ նախաձեռնել է «հայrate» արշավը, որն ուսանողների շրջանում հայաստանյան շուկայի գրավիչ գործատուներին բացահայտելու նպատակ ունի:
Այս մասին հայտնում են ֆինանսների նախարարությունից:
Հայաստանի առաջատար բուհերի շուրջ 1000 ուսանող մասնակցել է նախաձեռնությանը՝ արտահայտելով իր կարծիքը և նշելով 2023 թվականի ամենագրավիչ գործատուին՝ անկախ գործունեության ոլորտից:
ՀՀ ֆինանսների նախարությունն արդեն երրորդ տարին մասնակցում է նախաձեռնությանը: 2021 և 2022 թվականի արդյունքներով նախարարությունը չի ներառվել գործատուների ցանկում՝ ըստ հարցված ուսանողների: Այս տարի, գրանցելով մեծ առաջընթաց, ֆինանսների նախարարությունը ճանաչվել է 26-րդը լավագույն ու գրավիչ գործատուների շարքում:
Նախարարությունը որպես առաջնահերթություն է սահմանել երիտասարդ կադրերի ներգրավումը: Ներկայում հայաստանյան առաջատար բուհերի հետ տարվում են ինտենսիվ աշխատանքներ նախարարության կադրային բազան համալրելու ուղղությամբ:
Ֆինանսների նախարարությունը մեծ ոգևորությամբ է արձագանքում ուսանողների դրսևորած հետաքրքրությանը և իր իրավասությունների շրջանակում շարունակելու է որդեգրած կադրային քաղաքականությունը: