Ճապոնական SBI Holdings-ը հայտարարել է Ռուսաստանում կրիպտոարժույթների մայնինգի վերջնական դադարեցման մասին։
Ուկրաինայում տեղի ունեցող իրադարձությունները հանգեցրել են Սիբիրում մայնինգի բիզնեսի հեռանկարների վերաբերյալ անորոշության առաջացմանը, իսկ կրիպտոարժույթների համաշխարհային շուկայի անկումը հանգեցրել է կրիպտոմայնինգի շահութաբերության նվազմանը։ Այս մասին Bloomberg-ին ասել է SBI-ի ներկայացուցիչը։
Ռուսաստանի սիբիրյան քաղաքները դարձել են կրիպտոմայնինգի համար հայտնի վայր՝ համեմատաբար էժան էլեկտրաէներգիայի շնորհիվ: Այնուամենայնիվ, այն բանից հետո, երբ ԱՄՆ իշխանությունները ապրիլին սանկցիաներ կիրառեցին շվեյցարական BitRiver-ի նկատմամբ, որը Ռուսաստանում զբաղվում էր մայնինգով, երկրում աշխատող ոլորտի այլ խոշոր ընկերություններ սկսեցին զգուշանալ, որ իրենք նույնպես չընկնեն պատժամիջոցների տակ։
- Գովազդ -
Ընկերության համար դեռևս պարզ չէ, թե երբ այն կկարողանա ամբողջությամբ փակել կրիպտոարժույթների բիզնեսը Ռուսաստանում, նշել է նրա ներկայացուցիչը՝ հավելելով, որ SBI-ը կպահպանի Ռուսաստանում գործող բանկային մասնաճյուղը՝ SBI Bank LLC-ն։
