Որքան են կազմում իսլամական աշխարհի ներդրումների ծավալները Հայաստանում

Հայաստանի տնտեսությունը հաճախ է ներկայացվում տարբեր դիտանկյուններից,  տարբեր վերլուծաբաններ հարցին մոտենում են յուրովի։ Մեր վերլուծությունների մեջ էլ եղել են որոշակի շեշտադրումներ։

Մասնավորապես, դիտարկել ենք  ՀՀ-ում տնտեսական ազդեցության տեսանկյունից Արևմուտքի և հակաարևմտյան ուժերի դասավորությունը։

Այս անգամ դիտարկենք իրավիճակը կրոնական տեսանկյունից։

Հայաստանում կթույլատրվի ստարտափներում ներդրումներ կատարելու նոր միջոց՝ միջազգայնորեն ընդունված պայմանագրերի միջոցով

Ուսումնասիրենք ՀՀ իրական և ֆինանսական հատվածներում իրականացված ներդումների մաքուր պաշարների ծավալներն իսլամական աշխարհը ներկայացնող պետությունների մասով։

Այս տեսանկյունից 2023թ-ի սեպտեմբերի վերջի դրությամբ առկա է հետևյալ պատկերը․

ՀՀ վիճակագրական կոմիտեի (ՎԿ) կողմից հրապարակված վիճակագրական տվյալները փաստում են, որ իսլամական պետությունների կողմից ՀՀ իրական հատվածում իրականացված ներդրումների մաքուր պաշարների ծավալները կազմել են մոտ $408 մլն, իսկ ֆինանսական հատվածում՝ մոտ $203 մլն։

ՎԿ կողմից ներկայացված տվյալները հետազոտելիս պարզ է դարձել, որ 2023թ-ի սեպտեմբերի վերջի դրությամբ իսլամական երկրների կողմից ՀՀ իրական և ֆինանսական հատվածներում իրականացված ներդրումների մաքուր պաշարների ծավալները ընդհանուր ներդրումների մաքուր պաշարների ծավալներում կազմել է 8%։

ՀՀ իրական հատվածում նեդրումներ են կատարել Լիբանանը, ԱՄԷ-ն, Իրանը, Սիրիան, Սաուդյան Արաբիան, Ղազախստանը և Ուզբեկստանը։  Այս ներդումների 68%-ը բաժին է ընկնում ԱՄԷ-ին։

ՀՀ Ֆինանսական հատվածում ներդրումներ իրականացրել են իսլամական պետություններից Իրանը, Լիբանանը, ԱՄԷ-ն, Եգիպտոսը և Ղազախստանը։

Այստեղ, ներդումների 62%-ը բաժին է ընկնում Իրանին։