Google-ը հայտարարել է Մեծ Բրիտանիայի տվյալների նոր կենտրոնում 1 մլրդ դոլարի (919 մլն եվրո) ներդրումներ կատարելու մասին,– հայտնում է Euronews-ը:
Google-ի կողմից 2020 թ-ին Լոնդոնի հյուսիսում ձեռք բերված նոր կառույցի շինարարությունն արդեն ընթացքի մեջ է։
«Այս ներդրումը մեծ հզորություն կբերի Միացյալ Թագավորությանը՝ աջակցելով արհեստական բանականության (AI-ի) նորարարությանը և կօգնի ապահովել հուսալի թվային ծառայություններ Google-ի հաճախորդների համար Մեծ Բրիտանիայում և արտերկրում», – ասված է հայտարարության մեջ։
2 տարի առաջ Մեծ Բրիտանիան առաջընթաց գրանցեց բարելավված թվային ենթակառուցվածքի ստեղծման գործում, իսկ գերարագ ինտերնետի լայնաշերտ ծածկույթը հասավ 97%-ի:
Սա առաջին անգամը չէ, որ Google-ը ներդրումներ է կատարում Մեծ Բրիտանիայում, որտեղ ներկայումս աշխատում է ավելի քան 7000 մարդ:
2022 թվականին հսկա տեխնոլոգիական ընկերությունը գնեց մեկից ավելի տարածք Լոնդոնի կենտրոնում, ներառյալ Կովենտ Գարդենի շենքը, և մեկ այլ հողամաս Քինգս Քրոսի մոտակայքում, որտեղ Google-ը կառուցում է նոր գրասենյակ, և որտեղ հիմնված է նաև իր արհեստական ինտելեկտի DeepMind ընկերությունը:
Բաժանորդագրվեք մեր ալիքին Telegram-ում
