Հարկ վճարողի կողմից ակտերի բողոքարկումը չի կասեցնելու դրանց կատարումը. նախագիծ

16 Հունվարի, 2024
1 Min Read
Հարկ վճարողի կողմից ակտերի բողոքարկումը չի կասեցնելու դրանց կատարումը. նախագիծ

ՊԵԿ-ի կողմից գանձումներ կատարելու, արգելանք կիրառելու և կատարված հարկային պարտավորությունները վերականգնելու հետ կապված հարաբերությունները կկարգավորվեն:

Այս մասին նախագիծն առաջին ընթերցմամբ Ազգային ժողովում ներկայացրել է ՊԵԿ նախագահ Ռուստամ Բադասյանը:

ՊԵԿ նախագահը պարզաբանել է, որ հաճախ հարկ վճարողը գեներացնում է հարկային պարտավորություն, որը սահմանված ժամկետում չի վճարում: Ըստ այդմ՝ գործում է գանձման ընթացակարգ, երբ կայացվում է գանձելու մասին որոշում, և ուղարկվում հարկ վճարողին:

«Այժմ փոխում ենք և ծանուցում ուղարկելուց, իրազեկելուց հետո 7 օր սպասում ենք հարկ վճարողի արձագանքին, դրանից հետո գույքի վրա արգելանք կիրառելու մասին որոշում ենք կայացնում, և 30 օրվա ժամկետում պարտավորությունը չդադարեցնելու դեպքում, ուղարկում ենք Հարկադիր կատարումն ապահովող ծառայություն՝ հարկադիր կատարման: Հաճախ պրակտիկայում արձանագրել ենք, որ հարկ վճարողն ինքն իր հաշվարկով առաջացնում է պարտավորություն, այնուհետև դատարան է բողոքարկում այն ակտերը, որոնք կայացվել են այդ պարտավորությունը գանձելու կապակցությամբ»,- ասել է Բադասյանը:

ՊԵԿ նախագահը նաև տեղեկացրել է, որ նույնիսկ եղել են դեպքեր, երբ դատարանները բավարարել են հարկ վճարողի հայցապահանջը, կամ գանձելու պրոցեսը ձգձգվում է տարիներով, դրա համար փոփոխությունների փաթեթով նախատեսվում է, որ նմանատիպ ակտերի բողոքարկումը չի կասեցնելու դրանց կատարումը:

Կիսվեք այս հոդվածով
Թողնել մեկնաբանություն