2023-ի դեկտեմբերի 14-ին Կառավարության հավանությանն է արժանացել ՀՀ Արարատի մարզի Արարատ համայնքի Արարատ բնակավայրում պողպատի գործարանի կառուցման ներդրումային ծրագիրը, համաձայն որի՝ «Ջի Թի Բի Սթիլ» ՍՊԸ-ին նվիրաբերությամբ հողամասեր կտրամադրվեն պողպատի գործարանի կառուցման համար, քանի որ Արարատի մարզի Երասխ բնակավայրում գտնվող պողպատի գործարանի կառուցումը դադարեցվել է:
Նախագծով առաջարկվում է «Համահայկական ֆոնդ» փակ ոչ հրապարակային պայմանագրային ներդրումային ֆոնդի միջոցով ընկերությանը տրամադրել փոխառություն 3.5 մլրդ դրամի չափով Արարատ բնակավայրում պողպատի գործարանի կառուցման ներդրումային ծրագիրն իրականացնելու համար։
![](https://banksnews.am/wp-content/uploads/2024/05/converse-970x250-c360.webp)
«Արտադրական հզորությունների ամբողջական գործարկման արդյունքում կստեղծվի մինչև 500 աշխատատեղ (առաջին փուլով՝ մոտ 240), որն իր հետ կառաջացնի նաև բազմաթիվ այլ աշխատատեղեր ծառայությունների և սպասարկման ոլորտում: Գործարանը կունենա 200-250 մլն դոլարի տարեկան շրջանառություն։ Առաջին փուլով նախատեսվում է կառուցել սև մետաղի ջարդոնի վերամշակման գործարան տարեկան 100-120 հազար տոննա արտադրողականությամբ, երկրորդ փուլով արտադրական ծավալները կկրկնապատկվեն, և կկառուցվի նաև այլ մետաղական կոնստրուկցիաների և արտադրատեսակների գործարան (խողովակներ, տարբեր հատվածքի պրոֆիլներ, կոնտեյներներ և այլն)»,- նշված է որոշման հիմնավորման մեջ:
Բաժանորդագրվեք մեր ալիքին Telegram-ում