ՀՀ-ում շուրջ 9 000 թոշակառու 300 000 դրամ և ավելի աշխատավարձ են ստանում. նախարար

10 Հունվարի, 2024
1 Min Read
ՀՀ-ում շուրջ 9 000 թոշակառու 300 000 դրամ և ավելի աշխատավարձ են ստանում. նախարար

Հայաստանի աշխատաշուկայում կան շուրջ 9000 թոշակառուներ, որոնք 300 000 դրամ և ավելի աշխատավարձ են ստանում։

2023 թվականն ամփոփող ասուլիսի ժամանակ տեղեկությունը հայտնել է ՀՀ աշխատանքի և սոցիալական հարցերի նախարար Նարեկ Մկրտչյանը։

«Այս թիվը խոսում է բարձր արտադրողականություն ունեցող աշխատողների մասին, և մենք պետք է ամեն ինչ անենք, որ նրանք մնան աշխատաշուկայում և արժեք ավելացնեն»,-ասել է Մկրտչյանը։

Նախարարը նաև տեղեկացրել է, որ առաջիկայում ԱԺ կներկայացնեն կենսաթոշակային ապահովության ոլորտի օրենսդրական փոփոխությունների մեծ փաթեթ, ըստ որի` այն թոշակառուները, որոնք ցանկանում են շարունակել իրենց աշխատանքը, կկարողանան կամավորության սկզբունքով, իրենց ուզած ժամկետով հետաձգել կենսաթոշակի ստացումը` հետագայում ավելի բարձր կենսաթոշակ ստանալու ակնկալիքով։

«300 000 դրամ աշխատավարձ ստացող կենսաթոշակառուի համար միգուցե մեծ ազդեցություն չունենա կենսաթոշակի գումարը, և հետո, երբ նա չի աշխատի, արդեն ավելի բարձր կենսաթոշակ կստանա»,–ասել է նախարարը։

Գերատեսչությունը փոփոխություններ է կատարել Աշխատանքային օրենսգրքում, և աշխատողի կենսաթոշակային տարիքի լրանալը գործատուի համար նրան աշխատանքից ազատելու հիմք չէ։

TAGGED:
Կիսվեք այս հոդվածով
1 Comment